【疫情下的鐵人魂(三) - 蔡欣妍 Hilda】

更新日期:2020年10月27日

頭兩篇主角共通點都係要番工,工餘時間練習,以本地賽事為主,每年安排假期去1個外地比賽,有時一年去到2次海外賽可能已經算奢侈...

相對今篇女主角Hilda,青少年時期已經係香港三項鐵人青年代表,到近年成為隊中主力隊員,將近十年於高水平賽事代表香港岀戰,並係2018年伙拍三位隊友奪得亞運三項鐵人接力賽季軍


到底2020突如其來嘅新冠肺炎,差不多全年無比賽、無training camp、無得飛去比賽,會唔會連目標都無埋?精英運動員嘅training plan又有無大受影響?

三鐵就是挑戰適應力 - 蔡欣妍(Hilda Choi)

參與三項鐵人年資約15年
香港三項鐵人代表
2018年雅加達亞運會三項鐵人接力賽-季軍

疫情下的訓練:

作為精英運動員,Hilda同時亦兼顧大學學業,課餘時間每星期大約25-30小時,包括係體院游水、踩單車機、跑步同重量訓練,係體院外嘅訓練亦都用上非常多時間,包括經常會係新娘潭練單車,圍繞城門河跑步,或係科學園練三項(brick session),訓練量較大部分對餘運動員多岀7-10小時。
特別嘅係,前兩篇主角Ball Wing同Toby係疫情中訓練時數都有減少,而Hilda嘅訓練時數影響不太大,點解係防疫措施同限聚令之下仍然維持到咁高嘅訓練時數?




防疫措施和限聚令生效的影響

疫情高峰期,體院曾經lockdown一段時間,部分訓練場地關閉等影響,訓練量仍然維持到每星期約25小時,主要因為體院仍然可以練水,只係無左泳灘做公開水域練習,對游泳訓練安排影響不大
跑步訓練量同樣影響不大,因為體院設施齊全,有田徑場,有跑步機,輕鬆跑亦可以俾圍繞體院嘅小徑(約1公里)上面進行
相對影響較大就係戶外運動時要戴上口罩,遇着措施實施時相對熱,就會覺得特別吃力,所以戶外訓練強度都有調整
單車訓練就影響最大,因為唔可以離開體院,單車主要改到trainer上訓練,包括長課及速度課,相對係街上踩確實會比較沉悶,亦有時會係體院路面上踩,保持路感,教練亦有安排小型嘅練習賽,全程係體院內進行,目的係令運動員保持比賽觸覺
直到現時疫情放緩,體院等場地陸續開放,訓練亦慢慢回復到每星期約30小時。



Training Plan方向

現時訓練方向改為針對改善/提升技術為主,特別係單車方面,應對近年單車賽段轉變為圈數較多,彎位亦愈來愈多,技術水平要求大大提高,正好係現時集中改善,游水同跑步亦有更多時間改善動作,樂觀面對,放慢左腳步可以由基本技術再著手,未嘗唔係一件好事


#疫情下的鐵人魂 #蔡欣妍 #HildaChoi #香港運動員 #三項鐵人 #香港代表 #亞運獎牌得主


124 次瀏覽0 則留言

最新文章

查看全部